राजनीतिक नेतृत्वको कार्यशैली र व्यवहारको अनुसन्धान गरौं

गणतन्त्र र राजतन्त्रको तुलना गर्नुको कुनै अर्थ छैन । गणतन्त्रमा लोकको सर्वोच्चता हुन्छ, राजतन्त्रमा वंशानुगत शासकको । राजतन्त्र वा राजसंस्थाको समयमा राजनीति अस्थिर अथवा स्थिर होइन, त्यतिखेर राजनीति नै थिएन । गणतन्त्र र राजतन्त्र बिल्कुलै फरक व्यवस्था हुन् । तुलना गर्नु नै गलत हो । थियो भन्ने किसिमको भाष्य बन्यो, यो तथ्यसङ्गत होइन । हामीकहाँ निर्दलीय पञ्चायतकाललाई राजतन्त्रकालका रूपमा चिनिन्छ ।

०४६ सालको परिवर्तनपछि त्यो संवैधानिक राजसंस्थामा बदलियो । त्यसपछि पनि राजाले प्रणालीलाई बाधा दिइरहे भन्ने आक्षेप र आरोप जनस्तरबाट लागेको हो, तर गणतन्त्र आएपछि स्थिरता हुन्छ र राजा हुँदा अस्थिरता थियो भन्ने तुलना ठिक होइन । राजतन्त्र वा राजसंस्थाका बेला राजनीतिक स्थिरता र अस्थिरताको विषयभन्दा व्यवस्थामाथि नै प्रश्न उठेको थियो ।