बलुचिस्तानको रेलवे ट्र्याकमा शक्तिशाली विस्फोट

इस्लामावाद । पाकिस्तानको विद्रोहग्रस्त बलुचिस्तान क्षेत्रमा शक्तिशाली विस्फोट हुँदा यात्रुवाहक रेलका धेरै डिब्बाहरू लिकबाट खसेका छन् । घटना राज्यको राजधानी क्वेटामा भएको हो ।

विस्फोटपछि कालो धुवाँको ठुलो मुस्लो रेलबाट उठिरहेको देखिएको छ । रिपोर्टका अनुसार, क्वेटाको मान फाटक क्षेत्र नजिकै दुर्घटना भएको हो । रेल केन्टबाट आइरहँदा रेलवे ट्र्याक नजिकै शक्तिशाली विस्फोट भएको थियो ।