विदेशी मुद्राको विनिमय दर: घट्यो डलर, युरो र पाउण्डको भाउ

काठमाडौँ । नेपाल राष्ट्र बैंकले विदेशी मुद्राहरूको आजको विनिमय दर निर्धारण गरेको छ। आज अमेरिकी डलर, युरोपियन युरो, युके पाउण्ड स्ट्रलिङसहित अधिकांश प्रमुख विदेशी मुद्राहरूको विनिमय दर हिजोको तुलनामा घटेको छ।

राष्ट्र बैंकका अनुसार आज अमेरिकी डलर एकको खरिददर १५१ रुपैयाँ र बिक्रीदर १५१ रुपैयाँ ६० पैसा निर्धारण गरिएको छ भने हिजो यसको खरिददर १५१ रुपैयाँ २४ पैसा र बिक्रीदर १५१ रुपैयाँ ८८ पैसा थियो। यस्तै, युरोपियन युरो एकको खरिददर १७५ रुपैयाँ ३० पैसा र बिक्रीदर १७५ रुपैयाँ ९९ पैसा कायम गरिएको छ भने हिजो यसको खरिददर १७५ रुपैयाँ ५४ पैसा र बिक्रीदर १७६ रुपैयाँ २४ पैसा थियो। युके पाउण्ड स्ट्रलिङ एकको आजको खरिददर २०२ रुपैयाँ ६९ पैसा र बिक्रीदर २०३ रुपैयाँ ४९ पैसा तोकिएको छ भने हिजो यसको खरिददर २०३ रुपैयाँ ०२ पैसा र बिक्रीदर २०३ रुपैयाँ ८२ पैसा कायम थियो। स्वीस फ्रयाङ्क एकको आजको खरिददर १९० रुपैयाँ ०९ पैसा र बिक्रीदर १९० रुपैयाँ ८५ पैसा निर्धारण गरिएको छ भने हिजो यसको खरिददर १९० रुपैयाँ ६७ पैसा र बिक्रीदर १९१ रुपैयाँ ४३ पैसा थियो।