संसदीय दलको नेता हटाउने प्रावधानबारे के भन्छन् रास्वपा उपनेता पराजुली?

काठमाडौँ- राष्ट्रिय स्वतन्त्र पार्टी (रास्वपा) संसदीय दलका उपनेता गणेश पराजुलीले पार्टीको संशोधित विधानमा उल्लेख कारबाहीको विषयलाई फरक ढंगले बुझ्न नहुने बताएका छन्।

बुधबार सिंहदरबारस्थित संसद भवन परिसरमा सञ्चारकर्मीसँग कुरा गर्दै पराजुलीले पार्टीको संशोधित विधान कुनै एक व्यक्तिले नभई केन्द्रीय समितिबाट छलफल भएर पारित भएको भन्दै कारबाहीको विषयलाई फरक ढंगले बुझ्न नहुने बताएका हुन्।