फेसबुकमा ‘एआई मोड’ सर्च फिचर : ग्रुप र रिल्सका कमेन्ट खोजेर एआईले उत्तर दिने

मेटा कम्पनीले फेसबुक प्रयोगकर्ताहरूका लागि एआइमा आधारित नयाँ सुविधाहरूको घोषणा गरेको छ। यसअन्तर्गत फेसबुकमा खोज्ने प्रक्रियालाई अझ उन्नत बनाउन ‘एआई मोड’सहित तस्वीर र भिडियो एडीटिंगका लागि नयाँ एआई टुल्सहरू थपिएका हुन्।

नयाँ सर्च प्रणालीमा समावेश गरिएको ‘एआई मोड’ ले मेटा एआईको प्रयोग गरी प्रयोगकर्तालाई वेब लिङ्कहरूको सूची देखाउनुको सट्टा सिधै विस्तृत उत्तर उपलब्ध गराउँछ । यो प्रणालीले फेसबुकका विभिन्न सार्वजनिक ग्रुप र रिल्समा मानिसहरूले गरिरहेका वास्तविक कुराकानी र अनुभवहरूलाई सङ्कलन गरी उत्तर तयार पार्छ ।