मेस्सीको गोलमा अल्जेरियाविरुद्ध अर्जेन्टिनालाई सुरुवाती अग्रता

काठमाडौं । फिफा विश्वकप २०२६ अन्तर्गत जारी खेलमा साविक विजेता अर्जेन्टिनाले अल्जेरियाविरुद्ध सुरुवाती अग्रता लिएको छ। अमेरिकाको कान्सास सिटी रङ्गशालामा भइरहेको खेलमा कप्तान लियोनल मेस्सीको उत्कृष्ट गोलको मद्दतले अर्जेन्टिनाले खेलमा १–० को अग्रता बनाएको हो।

खेलको सुरुवाती समयदेखि नै आक्रामक रणनीति अपनाएको अर्जेन्टिनाका लागि कप्तान मेस्सीले खेलको १७औँ मिनेटमा पहिलो गोल गरे। उनले अल्जेरियाको पेनाल्टी एरिया बाहिरबाट प्रहार गरेको सशक्त बल विपक्षी गोलकिपरलाई भगाउँदै सिधै गोलपोष्टभित्र छिरेको थियो।