पिपरामा पहिलोपटक ‘आङ खस्ने’ रोगको सफल उपचार

कपिलवस्तु । बाणगंगा नगरपालिका–२, पिपरामा अवस्थित पिपरा अस्पतालले इतिहास रच्दै पहिलोपटक महिलाको जटिल ‘भजाइनल हिष्टेक्टोमी विद पेल्भिक फ्लोर रिपेयर’ शल्यक्रिया सफलतापूर्वक सम्पन्न गरेको छ।

वाणगंगा–९ की एक महिलाको विहीबार गरिएको यो अप्रेसनले अस्पतालको सेवा विस्तारमा नयाँ युगको सुरुवात गरेको छ। महिला तथा प्रसूति रोग विशेषज्ञ डा. जागृति खनाल र एनेस्थेसिया विशेषज्ञ डा. सुमन श्रेष्ठको दक्ष टिमले संयुक्तरूपमा शल्यक्रिया सम्पन्न गरेका हुन्। उल्लेखनीय कुरा के हो भने, यो सेवा वाणगंगा नगरपालिकाको सहयोगमा पूर्ण निःशुल्क रूपमा प्रदान गरिएको हो।