अब हरेक स्थानीय तहमा कम्तीमा एक अपांगमैत्री बैंक शाखा अनिवार्य

काठमाडौं- नेपाल राष्ट्र बैंकले बैंक तथा वित्तीय संस्थालाई हरेक स्थानीय तहमा कम्तीमा एक शाखा अपांगमैत्री बनाउन निर्देशन दिएको छ ।

राष्ट्र बैंकले क, ख र ग वर्गका बैंक तथा वित्तीय संस्थाका लागि जारी एकीकृत निर्देशन संशोधन गर्दै ज्येष्ठ नागरिक, अपांगता भएका व्यक्ति तथा अशिक्षित ग्राहकलाई सहज बैंकिङ सेवा उपलब्ध गराउन विशेष व्यवस्था गर्न भनेको हो ।