संघीय संसदमा अब विद्युतीय हाजिरी अनिवार्य, बिहीबारदेखि सांसदको बायोमेट्रिक विवरण संकलन गरिने

काठमाडौँ । संघीय संसद्का सांसदहरूको उपस्थितिलाई पारदर्शी बनाउन विद्युतीय हाजिरी (ई-हाजिरी) प्रणाली लागु हुने भएको छ । यसका लागि भोलिदेखि सांसदहरूको बायोमेट्रिक विवरण सङ्कलन हुने संघीय संसद् सचिवालयले जनाएको छ ।

बुधबार एक सूचना जारी गर्दै सचिवालयले विभिन्न संसदीय समितिका सदस्यहरूका लागि छुट्टाछुट्टै समय र स्थान निर्धारण गरी विवरण उपलब्ध गराउन अनुरोध गरेको छ । बायोमेट्रिक विवरण सङ्कलनसँगै सांसदहरूको औपचारिक तस्बिर समेत लिइनेछ ।