पञ्जाबलाई हराउँदै सनराइजर्स हैदराबाद तालिकाको शीर्ष स्थानमा

काठमाडौँ । इन्डियन प्रिमियर लिग अन्तर्गत बुधबार भएको खेलमा सनराइजर्स हैदराबादले पञ्जाब किंग्सलाई ३३ रनले पराजित गरेको छ । यस जितसँगै हैदराबाद ११ खेलबाट १४ अंक जोड्दै अंक तालिकाको पहिलो स्थानमा उक्लिएको छ । अर्कोतर्फ, पराजित पञ्जाब ११ खेलबाट १३ अंकसहित दोस्रो स्थानमा झरेको छ। पञ्जाबको यो लगातार तेस्रो हार हो ।

पञ्जाब किंग्सले टस जितेर पहिले बलिङ गर्ने निर्णय गरेपछि ब्याटिङमा उत्रिएको हैदराबादले निर्धारित २० ओभरमा ४ विकेट गुमाउँदै २३५ रनको विशाल योगफल तयार पारेको थियो । हैदराबादका लागि हेनरिक क्लासेनले ४३ बलमा ६९ रनको उत्कृष्ट इनिङ खेले। त्यस्तै इशान किशनले ३२ बलमा ५५ रन र ट्राभिस हेडले १९ बलमा ३८ रनको योगदान दिए। पञ्जाबका लागि युजभेन्द्र चहल, लक्की फर्गुसन र अर्शदीप सिंहले १–१ विकेट लिए ।