डडेल्धुरामा नेकपाले एकता सन्देश सभा गर्ने

डडेल्धुरा — नेपाली कम्युनिस्ट पार्टी (नेकपा) ले डडेल्धुरामा ‘बृहत् एकता सन्देश सभा’ आयोजना गर्ने भएको छ । मंसिर २४ मा सदरमुकामको बसपार्कमा सभाको आयोजना गरिएको हो ।

२०७४ सालमा भएको कम्युनिस्ट एकताले देशभर ठूलो आशा जगाएको भए पनि बीचमा एमाले अध्यक्ष केपी शर्मा ओलीको ‘व्यक्तिगत आडम्बर’ का कारण एकता प्रक्रियामा अवरोध आएको बृहत् एकता सन्देश अभियान मूल समितिका संयोजक उमेश भट्टले आरोप लगाए । अहिले भने करिब १५ वटा कम्युनिस्ट घटक फेरि एउटै केन्द्रमा उभिएको उनको दाबी थियो ।