सडक सुविधाले गुलजार तुम्बेवा (तस्वीरहरू)

३ असार, मौवा (पाँचथर) । तमोर करिडोरको लखुवादोभानदेखि तुम्बेवा गाउँपालिकाको मौवा बजारसम्मको सडक कालोपत्रे भएपछि यो क्षेत्रका बासिन्दाले सुविधा पाएका छन् । गाउँपालिकाको पुछारमा पर्ने तमोर नदी किनारमा फराकिलो कालोपत्रे सडक बनेको छ । यही सडकबाट विभिन्न गाउँ हुँदै गाउँपालिका केन्द्र मौवाको बजार क्षेत्रसम्मका सडक कालोपत्रे र ढलाई गरेर चिटिक्क बनाइएको छ ।

पहाडका घुम्तीहरू कालोपत्रेले आकर्षक देखिएका छन् । गाउँबाट सहर जान र गाउँका विभिन्न ठाउँ पुग्न सहज भएको छ । सडक सुविधाले दुर्गमको मानक विस्तारै सुविधायुक्त परिणत हुँदै गएको छ ।