बायर्नलाई पाखा लगाउँदै पीएसजी च्याम्पियन्स लिगको फाइनलमा, उपाधिका लागि आर्सनलसँग भिड्ने

काठमाडौँ । पेरिस सेन्ट जर्मेन च्याम्पियन्स लिगको फाइनलमा प्रवेश गरेको छ । बिहीबार भएको सेमिफाइनलको दोस्रो लेगमा बायर्न म्युनिखसँग १–१ गोलको बराबरी खेले पनि समग्र एग्रिगेट स्कोरमा ६–५ को नतिजा निकाल्दै पीएसजीले फाइनलको यात्रा तय गरेको हो ।

बायर्नको मैदानमा भएको रोमाञ्चक खेलमा पीएसजीले सुरुवाती अग्रता लिएको थियो । खेलको तेस्रो मिनेटमै ओस्मान डेम्बेलेले गोल गर्दै टोलीलाई अग्रता दिलाएका थिए । खेलको अन्तिम समयसम्म १–० को अग्रता कायम राखेको पीएसजी विरुद्ध इन्जुरी समयमा ह्यारी केनले गोल गर्दै बायर्नका लागि बराबरी फर्काएका थिए । यद्यपि, पहिलो लेगको अग्रताका कारण समग्र स्कोरमा पीएसजी अगाडि रहँदै फाइनल पुग्न सफल भयो ।