गुजरातको सानदार जित, शीर्ष स्थानमा पुग्ने हैदरावादको सपना चकनाचुर

काठमाडौँ । इन्डियन प्रिमियर लिग अन्तर्गत मंगलबार भएको खेलमा सनराइजर्स हैदरावादलाई ८२ रनको फराकिलो अन्तरले पराजित गर्दै गुजरात टाइटन्स अंक तालिकाको शीर्ष स्थानमा उक्लिएको छ । यो जितसँगै गुजरातले १२ खेलबाट १६ अंक जोडेको छ ।

आजको खेल जितेर शीर्ष स्थानमा पुग्ने लक्ष्य राखेको हैदरावादले लज्जास्पद हार बेहोरेसँगै उसको योजनामा धक्का लागेको छ । यो हारपछि हैदरावाद १४ अंकसहित तेस्रो स्थानमा झरेको छ । समान १४ अंक भए पनि राम्रो रनरेटका आधारमा बेंगलुरु दोस्रो स्थानमा रहेको छ ।