घरेलु मैदानमा जित्यो म्यान्सिटी, ग्वार्डिवलाले गरे राहत महसुस

काठमाडौं । इंग्लिश प्रिमियर लिग फुटबलमा पेप ग्वार्डिवला नेतृत्वको म्यान्चेस्टर सिटीले उत्कृष्ट पुनरागमन गरेको छ । म्यान्सिटीले घरेलु मैदानमा नटिङघम फरेस्टविरुद्ध ३–० को सहज जित निकाल्दै पुनरागमन गरेको हो ।

म्यान्सिटीलाई विजयी गराउन बर्नार्डो सिल्भा, केभिन डे ब्रायन र जेरेमी डुकुले गोल गरे । यसअघि शीर्ष स्थानको लिभरपुलसँग हार्दा एन्फिल्डमा मुख्य प्रशिक्षक ग्वार्डिवलाले बर्खास्तीको नाराको सामना गर्नु परेको थियो । लगातारको अफसफलताले प्रताडित उनले वुधबार राती राहत महसुस गरे । जसकारण उनी खेलकै दौरान ब्रायनलाई अँगालो हाल्न पुगे ।