निर्वाचन आयोगले विजेता घोषणा नगर्दै रास्वपामा बढे महामन्त्रीको आकांक्षी

चितवन। निर्वाचन आयोगले औपचारिक विजेता घोषणा नगर्दै राष्ट्रिय स्वतन्त्र पार्टी(रास्वपा)को पदाधिकारीमा उम्मेदवारी दिनेको आकांक्षा बढेको छ । ९९ केन्द्रीय सदस्यका लागि भएको मतदानमा केन्द्रीय सदस्यमा जित्नेहरूले धमाधम उम्मेदवारी दिने घोषणा गरेका छन् ।

सभापतिमा यसअघि नै रवि लामिछाने निर्विरोध भइसकेका छन् । सभापतिपछि शक्तिशाली मानिने महामन्त्रीमा शिशिर खनाल, गणेश पराजुली, विपिन आचार्य, कवीन्द्र बुर्लाकोटी, मनिष झा यसअघि नै उम्मेदवारी दिने घोषणा गरेका थिए । आयोगले मतगणना घोषणा गरेसँगै रञ्जु दर्शना, सागर ढकाल, राजु पाण्डे, प्रमोद न्यौपानेले महामन्त्रीमा उम्मेदवारी दिने घोषणा गरेका छन् ।