म्यानयुको हार यात्रा जारी, आर्सनलले फाइदा उठायो

काठमाडौं । इंग्लिश प्रिमियर लिगमा म्यान्चेस्टर युनाइटेडको हार यात्रा जारी छ । बुधबार राती म्यानयु आर्सनलसँग २-० ले पराजित हुन पुग्यो । घरेलु मैदानमा आर्सनलाई विजयी गराउन विलियम सलिवा र जरिन टिम्बरले एक–एक गोल गरे । पाहुना टोली म्यानयुले पाएका अवसरहरुको सदुपयोग गर्न सकेन ।

प्रिमियर लिगको यो सिजन म्यानयुको यो पाँचौ हार हो । अहिलेसम्म पाँच खेल मात्रै जितेको उसले ४ खेल बराबरी गरेको छ । १४ खेलबाट १९ अंक बटुलेको म्यानयु अंक तालिकाको ११ औं स्थानमा छ ।