‘हिमालले डाक्यो मलाई, पहाडले सम्झ्यो मलाई..’

शरद् ऋतुको मौसम, छर्लङ्गै देखिने हिमाल अनि पदयात्राका लागि अनुकूल समय । यस समयको भरपुर सदुपयोग गर्दै हामी लाग्यौँ मार्दी पदयात्रामा । अमेरिकी नागरिक पेट्रिक र आबी, नर्वेली नागरिक इनग्रिड, सिलिया र ओडभर अनि हामी दुई नेपाली । इनग्रिड भने पहिलो पटक नेपाल आउनुभएको रहेछ– विशेष नेपालका हिमाल हेर्नलाई । दुई अमेरिकी साथीहरू यसअघि नै एबीसीको पदयात्रामा गइसक्नुभएको रहेछ । नर्वेली साथीहरूले पनि नेपालका विभिन्न हिमाली पदयात्राको अनुभव गरिसक्नुभएको रहेछ । तर यो मेरो पहिलो पदयात्रा थियो । मार्दी पदयात्रालाई सबैभन्दा सजिलो र छिटो पदयात्राको रूपमा लिए पनि मेरा लागि यो चुनौती थियो, अझ साहसिक चुनौती । किनभने मेरो पदयात्राको अनुभव थिएन, हिँड्ने बानी हटिसकेको थियो । तर आँट गरेरै भए पनि जाने निधो गरेँ । पदयात्राका लागि सम्पूर्ण समानहरू तयार पारेँ, झोला लागभग ११ किलो भएछ । साथमा २ किलो क्यामरा अनि गोप्रो ।

पहिलो दिनको यात्राः