चक्कु देखाउँदै युवती कुटपिट गर्ने पक्राउ

बुटवल । एक युवतीमाथि चक्कु देखाउँदै कुटपिट गरेको भिडियो सामाजिक सञ्जालमा सार्वजनिक भएपछि प्रहरीले एक युवकलाई पक्राउ गरेको छ ।

पक्राउ पर्नेमा तुलसीपुर उपमहानगरपालिका–२ भमके निवासी अन्दाजी २४ वर्षका रमेश ठाडा मगर रहेको इलाका प्रहरी कार्यालय तुलसीपुरले जनाएको छ ।

उनलाई मंगलबार राति नै उनकै घरबाट पक्राउ गरिएको हो । उक्त भिडियो उनकै घरनजिक बासघारीमा चैतको महिनामा बनाएको प्रहरीले जनाएको छ ।

भिडियोमा तुलसीपुरकी २१ वर्षीय एक युवतीमाथि रमेश ठाडा मगरले गालीगलौज गर्दै चक्कु प्रहार गरेको तथा युवती रुँदै ‘अब गर्दिनँ’ भन्दै अनुरोध गरिरहेको दृश्य देखिएको छ ।

#पक्राउ

#सामाजिक सञ्जाल

#चक्कु