मालामा उनिएको तस्बिरले उब्जाएका उसका प्रश्नहरू

हो, उ मलाई एकोहोरो टोलाएर हेरिरहेको हुन्छ । मलाई उकुसमुकुस हुन्छ । उ किन मलाई हेर्दैछ ? त्यो पनि एकोहोरो । म भाग्न खोज्छु तर कहाँ भागौँ ?

नजिकै रहेको टेबलमा ओशोको किताब छ, ‘मै मृत्यु सिखाता हूँ’ । किताब हातमा लिएर म पाना पल्टाउन थाल्छु । ऊ मलाई नहेरोस् भन्ने चाहन्छु तर पनि ऊ एकोहोरो हेरिरहेको हुन्छ । म उसलाई सोध्न पनि सक्दिन कि किन मलाई यसरी हेरिरहेका छौं भनेर । कोही कोठामा आई दिए पनि हुन्थ्यो जस्तो हुन्छ । यतिकैमा शिलु कोठाभित्र प्रवेश गर्छिन् ।