महोत्सव प्रचारका लागि साइकल र्‍याली

नारायणगढको नारायणी नदी किनारमा पुस २५ देखि जारी चितवन महोत्सवको प्रचारप्रसार एवं प्रवर्धनका लागि साइकल र्‍याली आयोजना गरिएको छ । शनिबार बिहान महोत्सवस्थल उद्योग वाणिज्य संघ चितवनबाट शुरु भएको र्‍याली बजारका विभिन्न भाग परिक्रमा गर्दै मेघौलीसम्म पुगेको उद्योग वाणिज्य संघ चितवनका कार्यकारी निर्देशक निलबहादुर केसीले जानकारी दिए ।

उनका अनुसार र्‍यालीमा विभिन्न सामाजिक संघ संस्था, उद्योग वाणिज्य संघ चितवनका सदस्यहरुको सहभागिता थियो । र्‍यालीमा सहभागी भएकाहरु भरतपुर –१६ मा निर्माण भएको क्रुजसिपमा समेत पुगेका थिए । चितवनको पर्यटन प्रवर्धनमा क्रुजसिप सञ्चालन भएपछि महत्वपूर्ण टेवा पुग्ने भन्दै क्रुजसिपको अवलोकन तथा क्रुजसिपको यात्रा भएको केसीले जानकारी दिए ।