१८ औं इन्डो–नेपाल खुला कराते: एकल कातामा सुलभ र अंकितालाई स्वर्ण

काठमाडौँ । नेपालका सुलभ चौधरी र अंकिता पाण्डेले १८ औं इन्डो–नेपाल खुला कराते प्रतियोगितामा स्वर्ण पदक जितेका छन् । मित्रपार्कस्थित आयोजक टेक्सास इन्टरनेसनल कलेजको हलमा शुक्रबार भएको प्रतिस्पर्धामा एकल कातातर्फ पुरुषमा सुलभ र महिलामा अंकिता पहिलो हुँदै स्वर्ण जित्न सफल भएका हुन् ।

पुरुषतर्फको स्पर्धामा भारतका मोहम्मद ताहसिन उद्दिन अन्सारीले रजत पदक जितेका छन् । यसैगरी नेपालका निश्चल राई र भारतका दर्शित राठीले कांस्य पदकमा चित्त बुझाए ।