टीआरसी ‘सर्च कमिटी’ का लागि पूर्वप्रधानन्यायाधीशहरूको सूची तय

काठमाडौं । टीआरसी ‘सर्च कमिटी’ को नेतृत्वका लागि कानुन मन्त्रालयले पूर्वप्रधानन्यायाधीशहरुको सूची तय गरेको छ ।

मन्त्रालय स्रोतका अनुसार पूर्वप्रधानन्यायाधीशहरुको सूची कानुनमन्त्रीको हातमा परिसकेको छ । उक्त सूचीमा केदारनाथ उपाध्याय, मीनबहादुर रायमाझी, अनुपराज शर्मा, रामप्रसाद श्रेष्ठ, रामकुमारप्रसाद शाह, कल्याण श्रेष्ठ, गोपाल पराजुली, ओम प्रकाश मिश्र, चोलेन्द्र शम्शेर ज. ब. रा., हरिकृष्ण कार्की, विश्वम्भरप्रसाद श्रेष्ठ, प्रकाशमानसिंह राउत र कामु प्रधानन्यायाधीश दीपककुमार कार्कीको नाम रहेको छ ।

सत्य निरुपण तथा मेलमिलाप आयोग (टीआरसी) र बेपत्ता पारिएका व्यक्तिको छानबिन आयोगमा पदाधिकारी नियुक्ति गर्न सूची तय भएको हो । गत १९ वैशाखमा जारी भएको अध्यादेशबाट सत्य निरूपण तथा मेलमिलाप आयोग तथा बेपत्ता पारिएका व्यक्तिको छानबिन आयोगका पदाधिकारी पदमुक्त भएका थिए ।

मन्त्री सोविता गौतमलाई बुझाइएको सूचीबाट एक जना संयोजक तय हुने छ । २८ वैशाख २०८२ मा नियुक्त भएका पदाधिकारीलाई अध्यादेशबाट हटाइएको थियो । ‘सार्वजनिक पदाधिकारीको पदमुक्तिसम्बन्धी विशेष व्यवस्था अध्यादेश, २०८३’ लागू भएपछि दुवै आयोगका अध्यक्ष र सदस्य पदमुक्त भएका हुन् । ‘‘एक दुई दिन भित्रै सर्च कमिटीमा नेतृत्वको टुंगो लाग्छ,’’ मन्त्रालय स्रोतले बाह्रखरीसँग भन्यो ।

#चार पूर्वप्रधानन्यायाधीश

#सोविता गौतम

#हरिकृष्ण कार्की

#सर्च कमिटी