राष्ट्र बैंकको निर्देशन : एटीएमदेखि मोबाइल बैंकिङसम्म अपाङ्गमैत्री सेवा अनिवार्य

काठमाडौं । नेपाल राष्ट्र बैंकले बैंक तथा वित्तीय संस्थाहरूलाई अपाङ्गता भएका व्यक्तिमैत्री डिजिटल बैंकिङ सेवा सुनिश्चित गर्न नयाँ व्यवस्था लागू गरेको छ । केन्द्रीय बैंकले ‘एकीकृत निर्देशन, २०८२’ संशोधन गर्दै बैंकहरूलाई वेबसाइट, मोबाइल बैंकिङ तथा एटीएम सेवा सहज रूपमा प्रयोग गर्न सक्ने गरी विकास गर्न निर्देशन दिएको हो ।

नयाँ व्यवस्थाअनुसार बैंक तथा वित्तीय संस्थाले आफ्नो वेबसाइट र मोबाइल बैंकिङ एप दृष्टिविहीन तथा दृष्टिसम्बन्धी अपाङ्गता भएका व्यक्तिले समेत सहज रूपमा प्रयोग गर्न मिल्ने गरी विकास गर्नुपर्नेछ ।