भारतको बङ्गलादेशबिचको सिरिज स्थगित

काठमाडौँ । भारत र बङ्गलादेशबिच आगामी अगस्त २०२५ मा हुने तय भएको ह्वाइट बल सिरिज (वनडे र टी२०) आपसी सहमतिमा स्थगित गरिएको छ। बंगलादेश क्रिकेट बोर्ड (बीसीबी) र भारतीय बोर्ड (बीसीसीआई) ले अन्तर्राष्ट्रिय खेल तालिका र दुवै टोलीको व्यस्ततालाई ध्यानमा राख्दै यो निर्णय गरेका हुन्।

यो सिरिज अन्तर्गत तीन एक दिवसीय र तीन ट्वान्टी–२० अन्तर्राष्ट्रिय खेलहरू हुने तय थियो, जुन अब २०२६ सेप्टेम्बरमा गरिनेछ।