गोविन्दबहादुर कार्की बने मुख्यसचिव

काठमाडौं । सरकारले गोविन्दबहादुर कार्कीलाई नेपाल सरकारको मुख्यसचिव नियुक्त गरेको छ। मन्त्रिपरिषद् बैठकले प्रधानमन्त्री तथा मन्त्रिपरिषद्को कार्यालयका सचिव कार्कीलाई मुलुकको प्रशासनिक नेतृत्वको जिम्मेवारी दिने निर्णय गरेको हो।

सरकारका प्रवक्ता तथा शिक्षा एवं खेलकुद मन्त्री सस्मित पोखरेलले मन्त्रिपरिषद्का निर्णय सार्वजनिक गर्दै कार्कीको नियुक्तिसँगै विभिन्न नीतिगत तथा प्रशासनिक निर्णयहरू पनि स्वीकृत भएको जानकारी दिए।