हालान्डको डेब्युसँगै नर्वेको विजयी सुरुवात

स्टार स्ट्राइकर एर्लिङ हालान्डको विश्वकपमा डेब्युसँगै नर्वेले इराकमाथि जित निकालेको छ ।

समूह ‘आई’ अन्तर्गत बोस्टन स्टेडियममा मङ्गलबार राति भएको खेलमा नर्वेले एसियाली टोली इराकलाई ४–१ गोलले हरायो ।

नर्वेको जितमा हालान्डले दुई गोल गर्नुभयो । उहाँदे २९औँ र ४३औँ मिनेटमा गोल गर्नुभएको थियो । यस्तै लियो ओस्टिगार्डले ७६ओँ मिनेटमा एक गोल थप्नुभयो ।

नर्वेले अर्को गोल दोस्रो हाफको इन्जुरी सकयमा विपक्षी अयमेन हुसेनबाट आत्मघाती उपहार पाएको थियो । यसअघि इराकका लागि अयमेन हुसेनले नै एक गोल गर्नुभएको थियो ।

जितसँगै नर्वेले तीन अङ्क बनाएको छ । नर्वे २८ वर्ष पछि विश्वकपमा फर्किएको हो । इराकले हारबाट विश्वकप यात्रा सुरु गरेको छ ।