छड्के अनुगमनका क्रममा ५ वटा पसललाई ७५ हजार जरिवाना

काभ्रेपलाञ्चोक बिपी राजमार्गअन्तर्गत नमोबुद्ध नगरपालिकाको भकुण्डेबेशी बजारमा सञ्चालित होटलहरूमा छड्के अनुगमनका क्रममा म्याद गुज्रिएका र अखाद्य वस्तु भेटिएपछि ५ वटा पसललाई ७५ हजार रुपैयाँ जरिवाना गरिएको छ।

बुधबार जिल्ला प्रशासन कार्यालय काभ्रेपलाञ्चोकको नेतृत्वमा घरेलु तथा साना उद्योग कार्यालय, खाद्य प्रविधि तथा गुण नियन्त्रण डिभिजन कार्यालय, नमोबुद्ध नगरपालिका र उद्योग वाणिज्य संघले संयुक्त रूपमा गरेको अनुगमनका क्रममा होटलहरूलाई जरिवान गरिएको हो।