२ सय ११ रनको विशाल लक्ष्य पछ्याउँदै लखनउको पहिलो जित, चेन्नइ लगातार दोस्रो खेलमा पराजित

इण्डियन प्रिमियर लिग (आईपीएल) अन्तर्गत आज सम्पन्न खेलमा चेन्नइ सुपर किंग्स लखनउ सुपर जाइन्टसँग पराजित भएको छ। मुम्बइस्थित ब्रबोर्न स्टेडियममा सम्पन्न खेलमा लखनउले चेन्नइमाथि ६ विकेटको जित निकालेको हो।

टस हारेर ब्याटिङमा उत्रिएको चेन्नइले निर्धारित २० ओभरमा ७ विकेट गुमाउँदै २१० रन बनाएको थियो। जवाफी ब्याटिङमा उत्रिएको लखनउले १९.३ ओभरमा ४ विकेट गुमाउँदै लक्ष्य पुरा गर्‍यो।