विश्वविद्यालय बढे, बढेन बजेट: गुणस्तर सुधार र अनुसन्धानमा बाधा

सरकारले देशमा विश्वविद्यालयको संख्या बर्सेनि बढाउँदै लगे पनि उच्च शिक्षाको बजेट भने बढाउन सकेको छैन। पाँच वर्षयताको बजेट प्रवृत्ति हेर्दा उच्च शिक्षामा अध्ययन–अनुसन्धान तथा शैक्षिक सुधारका लागि कुल १ प्रतिशतको हाराहारीमा मत्र बजेट विनियोजन हुँदै आएको छ। यसले उच्च शिक्षाको शैक्षिक गुणस्तर सुधार र अनुसन्धानको क्षेत्रमा काम गर्न चुनौती थपेको त्रिभुवन विश्वविद्यालय (त्रिवि) का पूर्वउपकुलपति प्राध्यापक डा. दीपक अर्यालले बताए।

अर्यालका अनुसार पहिले विश्वविद्यालय पाठशालाका रूपमा थियो र पठनपाठन केही प्रयोगात्मकभए पनि विशेष रूपमा सैद्धान्तिक नै हुन्थे। ‘अहिले विश्व नै अनुसन्धानलाई प्राथमिकतामा राखेर अगाडि बढेको छ,’ उनले भने, ‘पहिले विद्यावारिधि (पिएचडी) नगरेका पनि प्राध्यापक हुन्थे, अहिले प्राध्यापक हुन पिएचडी हुनैपर्ने भयो। पिएचडीको ८ नम्बर र पब्लिकेसन (प्रकाशन) मा २० नम्बर कम्तीमा पाउने नियम बनाइएको छ।’