युद्धमा भारतले हाम्रो १०–१५ प्रतिशत शक्ति मात्र देख्यो: पाकिस्तानी सेना

काठमाडौँ। पाकिस्तानी सेनाले गत वर्ष भारतसँग भएको युद्धमा आफ्नो कुल सैन्य शक्तिको सानो हिस्सा मात्र प्रयोग भएको दाबी गरेको छ । पाकिस्तान सेनाको मिडिया र जनसम्पर्क विभागका महानिर्देशक अहमद शरीफ चौधरीले यस्तो बताएका हुन् ।

बीबीसी उर्दूका अनुसार डीजी अहमद शरीफ चौधरीले भने, ‘गत वर्ष भएको लडाइँमा भारतले जे देख्यो, त्यो हाम्रो कुल शक्तिको १० देखि १५ प्रतिशत मात्र थियो । हामी तब पनि तयार थियौँ र अहिले पनि तयार छौँ ।’ कसैलाई शंका भएमा आफूहरूले शक्तिको उदाहरण प्रस्तुत गरिसकेको भन्दै उनले आउँदो अगस्ट १४ मा हुने भव्य परेडमा सैन्य शक्तिको थप एउटा सानो नमुना देखाइने बताए ।