सामसङको बजार मूल्य १ ट्रिलियन डलर पार, यो उपलब्धि हासिल गर्ने दोस्रो एसियाली कम्पनी

काठमाडौँ । दक्षिण कोरियाली प्रविधि कम्पनी सामसङको बजार मूल्याङ्कन एक ट्रिलियन अमेरिकी डलर नाघेको छ । यससँगै सामसङ यो आँकडा पार गर्ने एसियाकै दोस्रो कम्पनी बन्न सफल भएको छ ।

सीएनबीसीका अनुसार सामसङ इलेक्ट्रोनिक्सको बजार मूल्य १५ सय ट्रिलियन कोरियन वन अर्थात् करिब १.०३ ट्रिलियन अमेरिकी डलर पुगेको छ । एसियामा यसअघि ताइवानको चिप निर्माता कम्पनी टीएसएमसी‍ले मात्रै यो सफलता प्राप्त गरेको थियो ।