गभर्नर पौडेलको हस्ताक्षर भएको ५०० रुपैयाँको नयाँ नोट आजदेखि प्रचलनमा

नेपाल राष्ट्र बैंकले ५०० रुपैयाँ दरको नयाँ बैंकनोट आजदेखि प्रचलनमा ल्याएको छ। बैंकको मुद्रा व्यवस्थापन विभागका अनुसार अत्याधुनिक सुरक्षा विशेषतासहितको उक्त नोट बजारमा वितरण गर्न थालिएको हो।

नयाँ नोटको अगाडिको भागमा नेपालको सर्वोच्च शिखर सगरमाथाको चित्र समावेश गरिएको छ भने दायाँपट्टि राष्ट्रिय फूल लालीगुराँसको वाटरमार्क राखिएको छ। दृष्टिविहीन व्यक्तिहरूलाई नोट सहज रूपमा पहिचान गर्न सहयोग पुग्ने उद्देश्यले बायाँ किनारामा दुईवटा काला थोप्ला पनि समावेश गरिएको छ।