बेंगलुरुको शीर्ष स्थानमा उक्लने सपनामा लखनउ बाधक

काठमाडौँ। इन्डियन प्रिमियर लिग अन्तर्गत बिहीबार सम्पन्न खेलमा लखनउ सुपर जायन्ट्सले रोयल च्यालेन्जर्स बेंगलुरुलाई डीएलएस पद्दति अनुसार ९ रनले पराजित गरेको छ ।

वर्षाका कारण १९ ओभरमा छोट्याइएको खेलमा बेंगलुरुले टस जितेर फिल्डिङ रोजेपछि पहिले ब्याटिङ गरेको लखनउले मिचेल मार्शको विस्फोटक शतकको मद्दतले निर्धारित १९ ओभरमा ३ विकेटको क्षतिमा २०९ रनको विशाल योगफल तयार पारेको थियो । लखनउका लागि मार्शले मात्र ५६ बलमा १११ रनको शानदार पारी खेले। उनलाई निकोलस पूरनले ३८ रन र ऋषभ पन्तले अविजित ३२ रन बनाउँदै राम्रो साथ दिए ।