बागमती प्रदेश सभा : ८ महिनादेखि सभामुख पद रिक्त

मकवानपुर । बागमती प्रदेश सभाको बजेट (बर्खे) अधिवेशन जेठ ११ गतेका लागि आह्वान गरिएको छ । प्रदेश सरकारको सिफारिसमा प्रदेश प्रमुख दीपकप्रसाद देवकोटाले जेठ ११ गते दिउँसो १ बजेका लागि प्रदेश सभाको अधिवेशन आह्वान गरेका छन् ।

मुख्यतया सरकारको नीति तथा कार्यक्रम र बजेटमाथि छलफल गर्न अधिवेशन बोलाइएको हो । सोही अधिवेशनमा सभामुख चयन गर्नुपर्ने अवस्था छ । बागमती प्रदेश सभाको सभामुख पद ८ महिनादेखि रिक्त छ ।