रमा तिवारीको हत्यामा संलग्न आरोपमा भारतीय युवक पक्राउ

काठमाडौँ । झापाको दमक नगरपालिका–१० स्थित रतुवा खोला किनारमा मृत भेटिएकी रोमा भनिने रमा तिवारीको हत्यामा संलग्न आरोपमा प्रहरीले एकजना युवकलाई पक्राउ गरेको छ ।

पक्राउ पर्नेमा भारतको बिहार घर भएर दमक बस्दै आएका ३४ वर्षीय राकेश कुमार पण्डित छन् । कोशी प्रदेश प्रहरी कार्यालयको सहयोगमा दमकका डीएसपी हरि बहादुर बस्नेत नेतृत्वका टोलीले जेठ २१ मा उनलाई पक्राउ गरेको हो ।