बलियो बन्दै बर्नमथ, टोटह्यामलाई छैठौं ठक्कर

काठमाडौं । प्रिमियर लिगको यो सिजन पाँच हारको सामना गरिसकेको बर्नमथले टोटनह्याम हट्स्परविरुद्ध सामान्य जित हासिल गरेको छ । बिहीबार राती घरेलु मैदानमा भएको खेलमा बर्नमथले टोटह्यामविरुद्ध १–० को सामान्य जित निकाल्यो ।

बर्नमथका लागि १७ औं मिनेटमा डीन हुइजसेनले गरेको गोल नै निर्णायक बन्यो । यद्यपि, ७२ औं मिनेटमा इवानिलसनले गोल गरेकामा भीएआरले मान्यता दिएन । यो जितले बर्नमथ टोटनह्यामभन्दा एक स्थानमाथि नवौं नम्बरमा पुगेको छ । १४ खेल सकिँदा बर्नमथको २१ र टोटह्यामको २० अंक छ । प्रिमियर लिग सिजनको आधाआधी नहुँदै टोटनह्यामको यो छैठौं हार हो ।