दशौं राष्ट्रिय खेलकुद निर्धारित समयमै हुन्छ, मिति छिट्टै तोकिनेछ: खेलकुद मन्त्री पोखरेल

काठमाडौं । शिक्षा तथा खेलकुद मन्त्री सस्मित पोखरेलले कर्णाली प्रदेशमा निर्माणाधीन प्रदेश रङ्गशालाको स्थलगत अनुगमन गरेका छन् । दशौं राष्ट्रिय खेलकुद प्रतियोगिताको तयारीको अवस्था बुझ्न मन्त्री पोखरेल सुर्खेत पुगेका हुन् ।

अनुगमनका क्रममा मन्त्री पोखरेलले दशौं राष्ट्रिय खेलकुद प्रतियोगिता निर्धारित समयमै सम्पन्न गर्न सरकार प्रतिबद्ध रहेको बताए । उनले प्रतियोगिताको औपचारिक मिति सरकारले छिट्टै घोषणा गर्ने योजना बनाएको समेत जानकारी दिए ।