दुबई एयर शोमा ‘तेजस’ दुर्घटना: एचएएलको प्रतिक्रिया

काठमाडौँ । दुबईमा गत शुक्रबार आयोजना गरिएको एयर शोका क्रममा भारतीय वायु सेनाको ‘तेजस’ लडाकु विमान दुर्घटनाग्रस्त भएपछि यसको निर्माता कम्पनी हिन्दुस्तान एयरोनटिक्स लिमिटेड (एचएएल) ले आधिकारिक बयान जारी गरेको छ।

एचएएलका अनुसार दुबई एयर शोमा भएको यो घटना ‘असाधारण परिस्थितिका कारण घटेको एकमात्र घटना’ हो। कम्पनीले यो दुर्घटनाले आफ्नो व्यावसायिक गतिविधि, वित्तीय स्थिति वा भविष्यका योजना कार्यक्रममा कुनै नकारात्मक प्रभाव नपर्ने स्पष्ट पारेको छ।