जाडो बढे पनि कर्णालीमा घटेन डेंगु संक्रमण

वीरेन्द्रनगर — कर्णाली प्रदेशमा डेंगुका बिरामीको संख्या बढ्दै गएको छ । जाडो बढे पनि कर्णालीमा डेंगुको संक्रमण घटेको छैन । सरसफाइमा सर्वसाधारणको बेवास्ताले गर्दा डेंगुको संक्रमण बढ्दै गएको स्वास्थ्यकर्मीहरू बताउँछन् । चालु आर्थिक वर्षको असारदेखि असोजसम्म कर्णाली प्रदेशमा १ हजार ४ सय २४ जनामा डेंगु संक्रमण देखिएको छ ।

प्रदेश स्वास्थ्य सेवा निर्देशनालय सुर्खेतका अनुसार यो संख्या अघिल्लो वर्षको तुलनामा बढी हो । सबैभन्दा धेरै प्रदेश राजधानी सुर्खेतमा छन् । सुर्खेतमा मात्रै १ हजार २ सय ९८ जनामा डेंगु संक्रमण भएको छ । विशेष गरी साउनदेखि असोज महिनामा डेंगुका बिरामी अत्यधिक देखिएका हुन् ।