विश्वशान्ति र समृद्धिका लागि चुनौती बढ्दो : मन्त्री डा राणा

परराष्ट्रमन्त्री डा आरजु राणा देउवाले विश्वमा शान्ति र समृद्धिको प्राप्तिका लागि एसियाली क्षेत्र एवं विश्वमै चुनौती बढिरहेको बताएकी छिन् ।

कतारको दोहामा आयोजित एसिया कोर्पोरेसन डायलग (सिडी)को तेस्रो सम्मेलनलाई विहिबार सम्बोधन गर्दै मन्त्री डा राणाले पछिल्लो समय विश्वका विभिन्न क्षेत्रमा बढ्दो द्वन्द्व तथा भू–राजनीतिक अवस्थालगायत कारण शान्ति र समृद्धिको प्राप्ति जटिल बन्दै गएको धारणा राखिन ।