अवसरवादीहरूको भीड र रास्वपाको चुनौती

राष्ट्रिय स्वतन्त्र पार्टी (रास्वपा) को जिल्ला अधिवेशनबाट निर्वाचित धेरै जिल्ला सभापतिहरू विगतमा कांग्रेस, एमाले, माओवादी लगायतका दलहरूमा सक्रिय रहेका व्यक्तिहरू भएको तथ्य सार्वजनिक भएको छ । यो आफैँमा अस्वाभाविक कुरा होइन । लोकतन्त्रमा दल परिवर्तन गर्ने अधिकार सबैलाई हुन्छ ।

तर प्रश्न के हो भने, नयाँ राजनीतिक शक्तिमा प्रवेश गर्ने सबै व्यक्तिहरू विचार र सिद्धान्तका आधारमा रास्वपामा सङ्गठित भएका हुन्, वा सत्ताबाहिर रहेका बेला आफूलाई नयाँ अवसर खोज्ने माध्यमका रूपमा रास्वपालाई प्रयोग गरिरहेका छन् ?