बार्सिलोनाको जित

लन्डन, (एजेन्सी) । क्याटलान क्लब बार्सिलोनाले स्पेनिस ला लिगामा जित हात पारेको छ ।

ब्राजिली फरवार्ड राफिन्हाको गोलमा बार्सिलोनाले घरेलु टोली एथ्लेटिको बिल्वाओमाथि १–० को झिनो गोलअन्तरको जित निकालेको हो । सान मेमेस बिल्वाओमा आइतबार राति भएको खेलको पहिलो हाफमै राफिन्हाले गरेको गोल नै बार्सिलोनाको जितमा पर्याप्त बनेको हो । उनले पहिलो हाफको इन्ज्युरी समयको थप गरिएको पहिलो मिनेटमा कप्तान सर्जियो बुस्क्वेट्सको पासमा गोल गर्न सफल भएका थिए । त्यसअघि १७औं मिनेटमा रोबर्ट लेवान्डोस्कीको प्रहारलाई बिल्वाओका गोलरक्षकले बचाए ।