अफ्रिकी मुलुकमा इबोला भाइरसको संक्रमण तीव्र, यात्रा नगर्न भारतको आग्रह

विश्व स्वास्थ्य संगठनले इबोला भाइरसको नयाँ प्रकोपलाई लिएर सार्वजनिक स्वास्थ्य आपतकाल घोषणा गरेको छ। विश्व स्वास्थ्य संगठनले आपतकाल घोषणा गरेसँगै भारत सरकारले आफ्ना नागरिकलाई विशेष यात्रा नगर्न आग्रह गरेको हो।

भारतले आफ्ना नागरिकलाई अफ्रिकी मुलुक कंगो, युगान्डा र दक्षिण सुडानको अनावश्यक यात्रा नगर्न आग्रह गरेको हो। भारतीय स्वास्थ्य तथा परिवार कल्याण मन्त्रालयले विज्ञप्ति जारी गर्दै उक्त देशहरूमा बसोबास गरिरहेका वा यात्रा गरिरहेका भारतीय नागरिकहरूलाई स्थानीय अधिकारीहरूले जारी गरेको स्वास्थ्य निर्देशनहरू कडाईका साथ पालना गर्न निर्देशन गरेको छ।