ग्रीनल्यान्डको शतप्रतिशत नतिजा, उत्कृष्ट विद्यार्थी, पत्रकार र कलाकार सम्मानित

सुर्खेत- वीरेन्द्रनगर-३, तातापानीस्थित ग्रीनल्यान्ड एकेडेमीले माध्यमिक शिक्षा परीक्षा (एसईई) २०८२ मा शतप्रतिशत नतिजा हासिल गरेको छ। विद्यालयले लगातार तेस्रो वर्ष उत्कृष्ट नतिजा कायम राख्दै यस वर्ष दुई विद्यार्थीले ४ जीपीए प्राप्त गरेको जनाएको छ।

शनिबार आयोजित सम्मान तथा अभिभावक उत्प्रेरणा कार्यक्रममा उत्कृष्ट नतिजा ल्याउने विद्यार्थी, पत्रकार र कलाकारलाई नगद, प्रमाणपत्र, माला तथा दोसल्लासहित सम्मान गरिएको थियो। कार्यक्रममा विद्यालयले ‘ग्रीनल्यान्ड शिक्षा पत्रकारिता पुरस्कार-२०८२’ र ‘मोतिपुरा स्मृति प्रतिभा पुरस्कार-२०८२’ समेत प्रदान गरेको छ।