निर्वासित रुसी कार्टुनिष्टको पोल्यान्डमा गोली हानी हत्या

मस्को । रुसी राष्ट्रपति भ्लादिमिर पुटिनको आलोचनात्मक चित्र तथा व्यङ्ग्यात्मक कार्टुनका लागि परिचित रुसी कलाकार सेमियोन स्क्रेपेत्स्कीको पोल्यान्डमा गोली हानी हत्या गरिएको छ । पोलिस अभियोजन पक्षले मंगलबार यस घटनामा संलग्न रहेको आशंकामा दुई बेलारुसी नागरिकलाई पक्राउ गरिएको जनाएको छ ।

४४ वर्षीय स्क्रेपेत्स्कीसोमबार बिहान पोल्यान्डको बियाला पोडलास्का सहरस्थित आफ्नै घर नजिकको पार्किङ क्षेत्रमा मृत अवस्थामा फेला परेका थिए । उक्त सहर बेलारुस सीमाको नजिक पर्छ । स्क्रेपेत्स्कीको वास्तविक नाम रोबर्ट कुजोभकोभ थियो ।