काठमाडौँ टावरमा फसेका बालेनलाई सरोज गुरागाईंले पनि फर्काए जवाफ

काठमाडौँ महानगरपालिकाका प्रमुख बालेन्द्र शाहको कार्यशैलीमा जति पनि प्रश्न उठाउन सकिएला । तर अहिलेसम्म उनको निष्ठा र इमानमा प्रश्न गर्न सकिँदैन भनेर उनका कट्टर विरोधीहरुले पनि भन्ने गर्थे ।

तर पुरानो बसपार्कस्थित काठमाडौँ महानगरपालिकाकै जग्गामा बनिरहेको काठमाडौँ टावरमा भने बालेन नराम्रोसँग चुकेका छन् । अझ आफ्नो कमजोरी ढाकछोप गर्न अर्काको थाप्लोमा दोषको भारी बोकाउन खोज्दा बालेन झनपछि झन् फस्दै गएका छन् ।