कर्णालीसँगको जितपछि कप्तान ऐरीको प्रतिक्रिया

काठमाडौँ । काठमाडौँमा जारी दोस्रो संस्करणको नेपाल प्रिमियर लिग (एनपिएल)मा सुदूरपश्चिम रोयल्सले ह्याट्रिक जीत दर्ता गरेको छ । सोमबार कर्णाली याक्सलाई ४५ रनले पाखा लगाउँदै सुदूरपश्चिमले तेस्रो जीत निकाल्नुका साथै अङ्क तालिकामा प्रथम स्थानमा उक्लेको छ ।

अपराजित सुदूरपश्चिमले लगातार तीन खेल जित्दै छ अङ्क जोडेर शीर्ष स्थानमा उक्लिएको हो । आजको जीतपछि सुदूरपश्चिमका कप्तान दीपेन्द्रसिंह ऐरीले प्लेअफ पुग्न सहज भएको प्रतिक्रिया दिए । उनले भने, “लगातार तीन जीत निकाल्दा अन्य टोलीलाई पनि दबाब परेको होला । यो जीतले हामीलाई प्लेअफमा पुग्न धेरै मद्दत पुग्नेछ ।”