फेसबुकमा एआईको नयाँ प्रयोग : स्मार्ट सर्चदेखि फोटो भिडियो सम्पादनसम्मका सुविधा

काठमाडौं । मेटाले फेसबुक प्रयोगकर्ताका लागि एआईमा आधारित नयाँ सुविधाहरू सार्वजनिक गरेको छ । कम्पनीले फेसबुकको खोज प्रणालीलाई अझ प्रभावकारी बनाउँदै ‘एआई मोड’सहित फोटो र भिडियो सम्पादनका लागि नयाँ कृत्रिम बुद्धिमत्ता उपकरणहरू थप गरेको हो ।

नयाँ एआई मोडले परम्परागत सर्च प्रणालीभन्दा फरक तरिकाले काम गर्नेछ । प्रयोगकर्ताले कुनै विषय खोज्दा वेब लिङ्कहरूको सूची मात्र देखाउनुको सट्टा मेटा एआईले सिधै विस्तृत उत्तर उपलब्ध गराउनेछ । यसका लागि प्रणालीले फेसबुकका सार्वजनिक ग्रुप, रिल्स र प्रयोगकर्ताबीच भइरहेका छलफल तथा अनुभवलाई आधार बनाउनेछ ।