पार्टीको आगामी संरचना र जिम्मेवारीका विषयमा दुर्गा प्रसाईं समूहको छलफल

काठमाडौं । दुर्गा प्रसाईं नेतृत्वको राष्ट्र, राष्ट्रियता, धर्म संस्कृति तथा नागरिक बचाउ महाअभियानको केन्द्रीय कार्यसमितिको बैठकले अब बन्ने पार्टीको आगामी रणनीति र कार्यादेशका बारेमा छलफल गरेको छ । काठमाडौंको एक होटेलमा आयोजित बैठकमा पार्टीको संरचना र जिम्मेवारीका विषयमा छलफल भएको प्रसाईंको सचिवालयले जनाएको छ ।

बैठकमा प्रसाईं पक्षीय नेता, कार्यकर्ताको उपस्थिति छ । राष्ट्रिय प्रजातन्त्र पार्टी (राप्रपा)सँग अलग भएका धवलशमशेर राणा समूह र मेडिकल व्यवसायी समेत रहेका प्रसाईं नेतृत्वको महाअभियान मिलेर नयाँ राजनीतिक पार्टी घोषणाको तयारी तीव्र पारेका छन् ।

दुई समूहबीच बृहत् राष्ट्रवादी एकता कायम गरी नयाँ राजनीतिक दल निर्माण गर्ने उद्देश्यसहित सहमति भएको छ । तर, पार्टीको नामाकरण भने हुन सकेको छैन । दुई समूहबीच जेठ ३१ गते विभागीय जिम्मेवारी भने बाँडफाँट गरिएको छ ।

#दुर्गा प्रसाईं

#रणनीति

#कार्यादेश